وعشان كدا النهاردة هنقسم المقال ده لجزئين أساسيين،
التأثير على حياة الأفراد، والتأثير على حياة المؤسسات.

هنبتدي بالجزء الأول، الأفراد:

كمقدم خدمات مهنية، فأنت مهمتك أكبر بكتير من الأدوات والتقييمات اللي بتستخدمها، أنت هنا بتأثر على حياة شخص بالكامل، بكل جوانبها مش بس الجانب المهني.

حسب الدراسات، فالجزء الخاص بالكارير في حياة أي شخص هو الجانب الأكثر تأثيرًا على باقي حياته.
لأنه من خلال مهنته بيقدر يكون عنده قدر من ال Financial wellbeing و Social wellbeing. كمان لو مهنته تتناسب مع ميوله الوظيفية وشخصيته المهنية، فالشخص هيكون قادر يستخدم مواهبه الفطرية خلال اليوم واللي يعتبر أحد أهم الأسباب للصحة النفسية للأشخاص، واللي بيساعدهم يعيشوا في تناغم مع قيمهم، مهاراتهم، وقدراتهم المميزة .

ده مش بس هيحسن من صحتهم النفسية، هو كمان هيديهم دافع انهم يتطوروا، يكبروا ويكونوا productive على المدى الطويل، من خلال تجنب الـ burnout اللي بيحصل للأشخاص اللي بيقوموا معظم الوقت بمهام غير مناسبه ليهم.

زي ان يكون شخص Introvert ومطلوب منه طول الوقت يتعامل مع اشخاص او يتكلم قدام كاميرا
او شخص artistic حاطه في نظام محدد ومش مديله فرصه انه يبدع او يقدم اقتراحات.

وهنا نقدر نقول ان ده مش بس هيأثر على الأفراد ده كمان هيودينا للجزء التاني من مقالتنا

وهو تأثير الإرشاد المهني على المؤسسات:

واحدة من أكبر المشاكل اللي بتواجهها الشركات، واللي للأسف مش بتطرح كتير للحل، هي وجود أشخاص غير متفاعلين، وبيقدموا الحد الأدنى من مهامهم الوظيفية. مش دايمًا السبب بيكون تكاسل، لكن ممكن جدًا يكون بسبب عدم توافق الشخص مع المكان والمهام اللي موكل بيها.

وهنا بيجي دورك كمقدم خدمات مهنية معتمد، و من خلال تقييمك لوضع الشركة، بتقدر تعمل Job profile لكل وظيفة موجودة و Employee profile، واللي بيساعدك تعيد توزيع الأشخاص على الأماكن الانسب ليهم.
الاماكن اللي تستغل أفضل مهاراتهم الوظيفية، وتخليهم يستخدموا مواهبهم فيها، يرجعوا تاني engaged ويقدروا من خلالها يساهموا في نجاح وتقدم المؤسسة ككل.

كمان بيكون دورك عمل خطة تطوير شخصية مفصلة على المدى البعيد، ومن خلالها تساعد كل موظف انه يكون effective human resource في فريقك. واللي يعتبر ميزة تنافسية عالية لأي شركة ان يكون عندها موظف High profile قادر انه يكون productive على المدى البعيد و engaged بكم الأفكار اللي بيقدمها لتطوير الشركة في مكانه المناسب ليه.

مقدم الخدمات المهنية مش بس موجود عشان يعين الشخص المناسب، واللي ممكن نتكلم عن العملية دي في مقال منفصل لأهميتها، لكن كمان موجود عشان في رحلة عميله خطوة بخطوة عشان يساعده ياخد القرارات الأنسب ليه وتكون في مكانه الصح

قولنا في كومنت الموظفين في فريقك engaged بنسبة كام في المية، وايه الخطوات اللي حابب تاخدها عشان تحسن من النسبة دي؟

ولو بتتسائل عن تاريخ علم الإرشاد المهني وازاي ظهر، استنى المقال القادم إن شاء الله عشان هنتكلم عنه بالتفصيل.