مقياس جودة الحياة

استكمالا لسلسلة الصحة النفسية عن طريق التطوير المهني هنتكلم النهاردة عن جزء مهم جدًا من الصحة النفسية واللي بيحددها في كثير من الأحيان وهو الـ wellbeing واللي أقرب ترجمة ليه بالعربي هي “جودة الحياة”

ال wellbeing تعتبر جزء مهم جدًا في الصحة النفسية ومع تحسنها بنقدر كمان نحسن من الصحة النفسية بشكل تلقائي وعشان كدا هنتكلم النهاردة عن الـ 5 محاور الأساسية لجودة الحياة حسب كتاب Wellbeing at Career وهما:

1-Career wellbeing

ده الجزء الخاص بشغلك كيفية ادارتك ليه ومدى تناسبه معاك

2-Social Wellbeing

وده بيتكلم بشكل خاص على حياتك الاجتماعية وعلاقاتك وصداقاتك وحسن إدارتك ليها.

3-Financial Wellbeing

من اسمها هي بتتكلم عن الجانب المادي في حياتك، ومش معناها أبدًا الثراء لكن هي وجود دخل مادي قادر تديره بشكل يسببلك أمان فميكونش عندك قلق من التدفق المالي للشهور او الفترة الجاية.

4-Physical Wellbeing

انك تكون في صحة جسدية كويسة مش بتعاني من مشاكل في القيام بمهامك اليومية أو قادر انك تقوم بالحركة الطبيعية في يومك

5-Community wellbeing

انك تكون مؤثر في مجتمعك واللي حواليك وليك دور ايجابي في بيئتك سواء عن طريق اعمال تطوعية أو انشطة ذات معنى بالنسبة لك

وعشان تقدر تقيس جودة حياتك ممكن تستخدم مقياس Cantril وهو تقييم بسيط جدًا شكله زي السلم اللي تحت واللي مكون من 10 درجات.

1 وهو أول درجة في السلم وأقل مستوى لجودة الحياة
10 وهو آخر درجة في السلم وأعلى مستوى في درجة الحياة

ونقدر نطبقه من خلال سؤالين وهم:

– انا فين دلوقتي على المقياس ده؟
– حابب اكون فين كمان 5 سنين؟

وانت بتجاوب على السؤالين دول لازم تاخد في الاعتبار كل جوانب حياتك الخمسة اللي اتكلمنا عنهم فوق.

شاركوني في كومنت انتوا فين دلوقتي وحابب توصلوا لفين في السنين اللي جاية

ولو مش عارف تبتدي منين عن تحسن جودة حياتك، فده اللي هنتكلم عنه في فيديو الاسبوع اللي جاي.